Për ndeshjen Chelsea – Tottenham, TV anglez kishte zgjedhur komentatorë ish-futbollistë si Redknapp, Rio Ferdinand dhe Gianfranco Zola. Një kthim në shtëpi për “Magic box”, një nga lojtarët më të dashur ndonjëherë në Stamford Bridge.
Megjithatë teksa futbollistët po afroheshin në fushë për lidhjen direkte para ndeshjes, një administrator ndaloi Zola-n duke i thënë “Më vjen keq,ju nuk mund të hyni”.
Episodi shkaktoi të qeshura tek të pranishmit dhe fjalën e mori Rio Ferdinand: “Ndoshta ti nuk e di që ky stadium është i tiji” …
Me fanellën e “bluve” të Londrës ai luajti 311 ndeshje duke shënuar 80 gola.
Votuar nga tifozët e Chelsea si “Lojtari më i mirë i të gjitha kohërave” në ekip. Në 2004-ën ai u emërua Anëtar i Urdhrit të Perandorisë Britanike nga Mbretëresha Elizabeth. Për 150 vjetorin e saj, FA riemërtoi stacionet metro të Londrës: stacioni Richmond u bë stacioni Richmond-Zola. Një sard që “pushtoi” Londrën. Sot Gianfranco Zola mbush 55 vjeç. /Tirana Today
