“Në fillim të karrierës sime, kur fitoja topin mendoja; Ku është Laudrupi? “. Ishte ai që bënte diferencën”. -Pep Guardiola
“Në skuadrën e ëndërrave, Guardiola ishte siguria e lojës, Laudrupi nga ana tjetër ishte paparashikueshmëria. Shihje ndeshjen dhe dëgjoje që thoshin ‘Laudrupi tentoi 30 pasime dhe gaboi 20’. Po, por sepse ai kërkonte gjithmonë pasimin final. Dhe 10 pasimet e tjera të suksesshme e çonin shokun e ekipit ballë për ballë me portierin “-Horhe Valdano
“Kur isha fëmijë më pëlqente të shikoja Michael Laudrupin. Ishte e mahnitshme ta shihja duke luajtur. Cilësia dhe personaliteti i tij kanë qenë një shembull për mua.”-David Silva
“Nëse Michael do të lindte në një vend të varfër në Brazil ose Argjentinë, me topin si mënyrën e vetme për të dalë nga varfëria, sot ai do të njihej si gjeniu më i madh i lojës. Ai kishte të gjitha aftësitë për t’u bërë i tille, por i mungonte ajo uri që ata që vijnë nga varfëria kanë që mund ta kishte shtyrë të jepte më shumë ” –Johan Krujf
“Michael ishte ndoshta lojtari më i aftë dhe elegant me të cilin kam luajtur ndonjëherë. Pakkush mund të driblojë si ai.”-R. Koeman
Gjeniu danez, protagonist në Serinë A të viteve ’80 përpara se të shkonte në Spanjë dhe të bëhej zotëri atje duke fituar si me Barcelonën ashtu edhe me Realin e Madridit, sot ka ditëlindjen e tij të 57-të.
Aq vendimtar dhe i suksesshëm sa ka edhe një legjendë urbane me protagonist Laudrupin dhe Mbretin Huan Karlos.
Legjenda thotë se në një restorant luksoz në Madrid, gjatë një dreke, Laudrup ishte duke biseduar me gruan e tij mbi vendimin për të lënë Madridin.
Në një moment, dikush u ngrit nga një tryezë pas tij dhe, duke iu afruar, e pyeti: ” Me të vërtetë do largohesh?“. Laudrup kthehet dhe sheh mbretin Huan Karlos.
-“Po do të largohem”.
“Më mirë, kështu do të jem përsëri mbreti i vetëm i Spanjës “
