Fondi Sovran i Norvegjisë, i njohur ndryshe edhe si Fondi i Naftës ka shkuar në kuotën e 1.09 trilionë dollarëve, duke vendosur kështu një rekord historik. Pasi ky fond është më i madhi i këtij lloji në botë, i cili u krijua në vitin 1990, për të shfrytëzuar të ardhurat që vijnë nga nafta.
“Kur fondi u krijua, askush nuk mendonte se do të kalonte 10,000 miliardë krona. Ishim me fat që zbuluam naftë. Kthimi në investimet në tregjet globale financiare ka qenë aq i madh sa që mund të krahasohet sikur të kishim zbuluar naftë përsëri”, tha shefi ekzekutiv i fondit, Yngve Slyngstad.
Nisur nga shifra e grumbulluar, çdo norvegjez ka të paktën 200 mijë dollarë në këtë fond, një pasuri e madhe për brezat e ardhshëm.
Menaxhuesit e fondit investojnë në tregjet ndërkombëtare financiare dhe vetëm një pjesë e tyre investohet brenda Norvegjisë. Të ardhurat që i vijnë shteti nordik nga nafta derdhen te ky fond. Kjo i shërben vendit që në të ardhmen të ruajë aftësinë për të paguar nëse nafta do të pakësohet, ose nëse bien çmimet.
Një pjesë e fitimit shkon për investimet shtetërore ose për pensionet, pa qenë e nevojshme që të rriten taksat për qytetarët.
