Panetone është ëmbëlsira tradicionale e Krishtlindjes, e cila daton që prej shekullit XIV. Sot do t’ju sjellim recetën tradicionale të kësaj ëmbëlsire, në mënyrë që ta gatuani vetë në shtëpi.
E dini se ku e ka origjinën kjo ëmbëlsirë?! Panetone është një ëmbëlsirë italiane që lindi në Milano, dhe origjina e saj daton nga shekulli i XIV.
Panetonia tradicionale e Milanos ka një formë më të stërgjatur, por ekziston edhe versioni i saj më i shkurtër dhe më i rrumbullakët që është përhapur më shumë në zonën e Piemontes. Ëmbëlsira njihet për strukturën e saj të butë, dhe për aromën e saj karakteristike.
Më poshtë ju sjellim recetën standarte, por në ditët e sotme gjithsecili mund të fusë produkte ekstra.
Përbërësit:
– 1 filxhan rrush i thatë
– 2 lugë rum
– 2 lugë ujë i ngrohtë
– 3 ¾ filxhan miell
– 2/3 filxhan sheqer pluhur
– 1/2 lugë maja e thatë
– 1/2 lugë kripë
– 1/4 lugë lëkure limoni
– 1/2 lugë vanilje
– 3 vezë në temperaturë dhome
– 2/3 filxhan ujë i vakët
– 1 lugë mjaltë
– 10 ½ lugë gjalpë i zbutur
– 1 lugë gjalp i tretur
– 1 lugë gjalpë nga frigoriferi
– 2/3 filxhan fruta të thata.
Shënim: Mund të shtoni sipas dëshirës frutat e thata, kanellë, karafil pluhur etj.
Përgatitja:
- Në një enë të vogël, bashkoni rrushin e thatë me rumin dhe ujin e ngrohtë. Lëreni të zbuten në temperaturën e dhomës duke e trazuar herë pas here, derisa rrushi të ketë thithur gjithë lëngun (6–8 orë).
- Në një enë të madhe, bëni bashkë miellin, sheqerin, majanë, kripën, lëkurën e limonit dhe vaniljen, dhe trazojini sa të përzihen mirë.
- Në një enë tjetër, rrihni vezët, ujin e vakët dhe mjaltin. Shtoni gjalpin e zbutur lugë–lugë duke i trazuar fort që të përzihen mirë.
- Thajmë rrushin me letër kushine dhe e bashkojmë me frutat e tjera + 1 lugë gjalpë. I hedhim tek ena e madhe dhe i përziejmë sërish. E mbulojmë enën me qese kuzhinë dhe e lëmë të dyfishojë masën në furrën e ngrohtë. (10–12 orë).
- Pasi brumi ka arritur masën e duhur, e punojmë me pak miell dhe e vendosim në formën e panetones, e mbulojmë me një pecetë të lagur duke e lënë në temperaturë ambjenti për 3–5 orë.
- Ngrohim furrën në 180 gradë celcius. Presim me thikë në formën e shkronjës X në sipërfaqen e panetones. Vendosim një lugë gjalpë të shkrirë në qendër.
- E vendosim të piqet derisa të marrë një ngjyrë të errët për 60–75 minuta.
- E lëmë të ftohet, dhe më pas e presim.
