Pak ditë më parë u bë publik fakti se Olsi Bylyku, së bashku me Erionin dhe Besin do të realizojnë emisionin e tyre, në spektaklin “E diela shqiptare”, ku do të kenë një minutazh kohor prej 1 ore. Tre aktorët do sjellin skena të ndryshme gazmore, stand up-e, do të imitojnë personazhet e njohur komikë që kanë bërë gjatë gjithë viteve, dhe sigurisht nuk do mungojnë të ftuarit e tyre. Pas zhurmës së madhe të krijuar me kalimin e orëve, ku dhe fansat i mirëpritën, një tjetër lëvizje vjen nga “Top Channel”.
Një tjetër personazh është larguar nga “Portokalli”, dhe bëhet fjalë për skenaristin Vangjel Kozma. Ky i fundit prej vitesh ka shkruar tekstet e aktorëve të “Portakalli”-së dhe nga programi hit i së dielës është larguar për një program tjetër të së dielës.
Burime pranë “RevistaWho.com” kanë zbuluar se Kozma do të zhvendoset në “Klan”, në segmentin “Be Caffe”. Siç është mësuar, “Be Caffe” do të jetë pjesë e emisionit “E diela Shqiptare”, dhe do të drejtohet nga ish-aktorët e “Portokalli”-së, Bes Kallaku, Erion Isai dhe Olsi Bylyku.
https://tiranatoday.com/la-top-channel-per-klan-in-olsi-bylyku-ne-nje-emision-me-bes-kallakun-dhe-erion-isain/
