Një tërmet i fortë ka tronditur veriun e vendit pak minuta më parë.
Sipas qendrës evropiane të sizmologjisë, tërmeti ka qenë me magnitudë 4.2 të shkallës Rihter. Mësohet se tërmeti është regjistruar 18 kilometra nga Fushë-Arrëzi, ndërsa lëkundjet janë ndjerë edhe në Tiranë.
Nuk janë raportuar dëme materiale, por lëkundjet kanë shkaktuar mjaft panik te banorët e zonës. Sipas IGJEUM, ditën e djeshme ka pasur një tjetër lëkundje 2.1 km nga Klosi por ka qenë e lehtë, me magnitudë 2.2 të shkallës Rihter.
