Italia gjithmonë u ka krijuar mundësi futbollistëve shqiptar për të luajtur, futboll dhe pse jo për të krijuar një karrierë të pasur. Brezi i ri i futbollistëve po merr gjithnjë e më shumë vëmendje. Kleto Gjuras është emri më i ri që ka dalë në dritë, luan qendërmbrojtës me ekipin e Alessandrias në Serie C. Por duket se është pranë hedhjes së hapit që do bëjë ndryshimin në jetën e tij, pasi futbollisti kërkohet dhe po vëzhgohet nga ekipi i Genoa-s.
Është gazetari italian, Alfredo Peduall që ka konfirmuar lajmin dhe është shprehur se ekipi i Serie A është shumë pranë arritjes së marrëveshjes me lojtarin. Ndërsa në sajtin e këtij të fundit lëvizja e lojtarit drejt gjigantëve italianë jepet si e sigurt.
Gjura është një ndër të rinjtë premtues të vendit tonë, jo më kot është edhe pjesë e kombëtare U-19. Ai nuk ka arritur të luajë asnjë minutë për ekipin e parë të Alessandria-s në Serinë C, por ka tërhequr vëmendjen e Genoa-s me paraqitjet e tij të mira në kampionatin e të rinjve.
