Edhe psikologut Ergys Mertiri i ka tërhequr vëmendjen zhvillimi i emisionit që së shpejti do të shfaqet në ekran, ku i ftuar nga moderator Ermal Mamaqi është kryeministri Rama. Një lum akuzash kanë shpërthyer ndaj Mamaqit, duke e cilësuar një njeri të “blerë”, e shumë të tjerë edhe janë tallur në postimet e tij.
Në një koment që e ka ndarë me miqtë e tij në Facebook, psikologu shkruan se Mamaqi ka pranuar të bëhet sapuni që shkumon zhulin e fytyrave të tyre të lyrosura nga korrupsioni.
Sipas tij, në këtë fazë që ndodhet Rama, është mjaft i dëshpëruar, sa mund të shkojë ngado që e ftojnë. Me theks të veçantë edhe në protestën e studentëve, për Mertirin, Rama është gati të bëjë çdo lloj marrëzie.
