Mesditën e sotme një burrë qëlloi veten jashtë Shtëpisë së Bardhë, në pjesën veriore të oborrit.
Stafit të Shtëpisë së Bardhë iu kërkua menjëherë të shtrihej barkas dhe kjo situatë ngjalli shumë panik.
Shërbimi Sekret tha se bëhej fjalë për një person që kishte qëlluar veten. “Personeli i Shërbimit Sekret po i përgjigjet njoftimeve të një personi i cili dyshohet se ka qëlluar veten dhe është plagosur përgjatë vijës së gardhit në krahun verior të Shtëpisë së Bardhë,” tha agjencia, e cila është e ngarkuar me mbrojtjen e qeverisë dhe udhëheqësve të tjerë të vendit.
Presidenti Donald Trump dhe Zonja e Parë Melania Trump ishin në vendpushimin e tyre Mar-a-Lago në West Palm Beach, të Floridas në kohën e të shtënave të raportuara dhe priten të kthehen në Uashington më vonë gjatë ditës.
Sipas zyrtarëve të Shtëpisë së bardhe presidenti Trump u vu në dijeni për vetëvrasjen.
Turistët që ndodheshin në zonë raportuan në rrjetet sociale se dëgjuan të shtëna. Ata nuk e dinin nëse ata apo të tjerët ishin apo jo në rrezik.
Ndërkohë, vendi është i përfshirë në një debat intensiv mbi ligjet federale dhe shtetërore të kontrollit të armëve pas masakrës së 14 shkurtit, që solli vrasjen e 17 personave në një shkollë të mesme në Parkland të Floridas.
