Një 36-vjeçar është arrestuar nga policia, pasi dyshohet të ketë lidhje me shpërthimin e transformatorit elektrik ditën e djeshme në autostradën Tiranë-Durrës, ku mbeti i vdekur një person dhe u plagosën dy të tjerë.
Në pranga ka rënë inxhinieri i firmës private, Robert Dauti, për të cilin thuhet se ishte i pranishëm në momentin e shpërthimit. 36-vjeçari akuzohet për shkelje të rregullave të mbrojtjes në punë.
“Nga shërbimet e Komisariatit nr. 6 arrestua në flagrancë shtetasi R. D., 36 vjeç, banues në Tiranë, për veprën penale “Shkelja e rregullave të mbrojtjes në punë”, pasi ditën e djeshme në firmën ku ky shtetas ishte punonjës, si pasojë e shpërthimit të një transformatori elektrik gjeti vdekjen person dhe u plagosën dhe dy të tjerë”, thuhet në njoftimin e policisë.
Ndërkohë, Policia e Tiranës vijon punën për kapjen dhe vënien përpara përgjegjësisë të personave në kërkim dhe atyre për vepra të ndryshme penale
