Bayern Munich do të presë sonte në “Allianz Arena” fituesin e dy herë radhazi të Champions League, Real Madrid në kuadër të gjysmëfinales së parë. Do të jetë si një përballje “titanësh” duke parë formën e lartë që po kalojnë bavarezët nën drejtimin e Jup Heynckes dhe transformimin e madrilenëve të Zidane në ndeshjet e Champoionsit. Toni Kroos është lojtari që ka luajtur për të dy ekipet dhe tashmë rikthehet tek bavarezët për ti eliminuar nga Championsi, ai është shprehur se ka një sekret që ai e di për Bayernin dhe do ta shfrytëzojnë në këtë ndeshje.
“Do të përballen dy skuadra shumë të forta me njëra-tjetrën. Është gjysmëfinalja e Champions-it dhe ne e dinim që do të jetë e fortë. Bayerni luan shumë më mirë me Heynckes dhe kanë siguruar kampionatin gjerman. Mendoj se këtë vit janë më mirë nga aspekti fizik sesa vitin e kaluar.
Ai është një trajner i jashtëzakonshëm dhe në moshën 72-vjeçare tregon besim dhe dëshirë për të punuar. Nuk bëhet fjalë vetëm për çështje taktike. Ky mund të jetë sekreti i Bayernit”, tha fillimisht Kroos. Më tej, mesfushori gjerman i Realit flet edhe për ndeshjen me Juventusit dhe rikthimin e Ramosit. “Sergio është një lojtar i madh dhe ka treguar gjithmonë sa i rëndësishëm është për ne.
Shpresoj që ta zgjidhim ndeshjen më mirë sesa me Juventusin. Në fund të fundit ne u kualifikuam dhe vazhdojmë rrugëtimin në Champions. Heynckes ka të drejtë kur thotë se Liga e Kampioneve nuk fitohet duke blerë futbollistë, por duke u impenjuar maksimalisht dhe duke qenë i vëmendshëm në çdo moment të ndeshjeve”, përfundoi Toni Kroos. Kur ke në ekip një lojtarë që ka luajtur për ekipin që do të përballesh gjërat mund të bëhen më të lehta, por këtë avantazh nuk e ka vetëm Reali pasi James Rodriguez vetëm një vit më parë ka kaluar nga madrilenët tek bavarezët. Rreziku për të “spiunuar” taktikën është nga të dyja anët.
