Prokurori i Shkodrës Vate Staka është kandidati i vetëm për Këshillin e Lartë të Drejtësisë. Pas shkarkimit të Antoneta Sevdarit nga Kolegji i Posaçëm të Apelimit, institucioni i ngritur në sajë të reformës në drejtësi funksionon me 10 anëtarë. Pas këtij shkarkimi kryeprokurorja e përkohshme hapi garën duke ftuar të gjithë prokurorët që shprehnin interes të garonin për vendin vakant në Këshill.
Nëse Staka zgjidhet në Këshillin e Lartë të Prokurorisë, atëherë reduktohet në 24, lista me kandidatët potenciale për prokurorinë e Posaçme.
Ndërkohë Vate Staka gjatë garës së parë, nuk i bindi dot kolegët prokurorë t’i jepnin besimin për t’i përfaqësuar në Këshill, edhe pse testin e vettingut e kaloi me sukses.
Duke qenë se është i vetmi kandidat i vetuar nga prokurori i Shkodrës do të jetë automatikisht anëtar i Këshillit.
Por në rast se dështon mbledhja e prokurorëve, për shkak të mosarritjes së kuorumit atëherë mund të ndodhë e kundërta. Mbledhja mund të zhvillohet me datë 11 prill e për këtë pritet vetëm urdhri i firmosur nga Arta Marku, raporton News 24.
