Nga sot Drejtorinë e Përgjithshme të Tatimeve do ta drejtojë Delina Ibrahimaj, e cila më parë mbante postin e drejtoreshës së INSTAT.
Pas shkarkimit të Enton Duros, është emëruar drejtuesi i ri i këtij institucioni tejet të rëndësishëm për mbledhjen e të ardhurave për buxhetin e shtetit.
Ibrahimaj ka një përvojë të gjerë në kryerjen e analizave ekonomike, fituar gjatë eksperiencës së punës në Bankën e Shqipërisë dhe pranë Kryeministrisë si koordinatore për krijimin e një sistemi të integruar shkëmbimi informacionesh dhe statistikash operacionale të Instituteve shtetërore.
Ndërkohë, Enton Duro është shkarkuar nga detyra e drejtorit të Përgjithshëm të Tatimeve, teksa kishte vetëm pak muaj që mbante këtë post.
