Atletico Madrid është kampioni i Europa League, pasi ka mposhtur në finale Marseillen me rezultatin 3-0. Një atmosferë e mrekullueshme në “Parc Olympique Lyonnais”, por në fund ishte një francez që e rrëmbeu titullin për ta dërguar drejt Spanjës.
Marseille e nis ndeshjen mjaft mirë dhe kishte disa mundësi të arta në fillimin e takimit, por asnjëherë nuk u treguan të qartë para portës. Në minutën e katërt Germain mori një pasim fantastik nga Dimitri Payet, por sulmuesi bën një goditje të gabuar. Atë që nuk e bëri Germain, e bën Griezmann.
Pas një gabimi në mbrojtje, sulmuesi i Atletico Madrid shënon golin e parë të ndeshjes ndaj bashkëkombësve të tij. Pak minuta më pas vjen disfata më e madhe e Marseille, lojtari kryesor Payet pëson një dëmtim dhe detyrohet të dalë nga fusha duke i lënë vendin Lopez.
Pas pushimit Atletico dyfishon rezultatin dhe ishte përsëri Antoine Griezmann. Ndeshja ty mund të quhet e mbyllur, duke njohur pikën më të fortë të spanjollëve që është mbrojtja. Skuadra e Burgos arrin të menaxhojë shumë mirë rezultatin deri në fund të takimit ku shënoi edhe golin e tretë falë golit të Gabi-t.
