Një bashki në Turqi ka shkaktuar një debat të fortë në median sociale, kjo pasi në udhëzuesin për sjelljen drejtuar vajzave të vogla shkruante se zonjat e vërteta nuk duhet të lëpijnë akullore në Stamboll. Por, këto deklarata kanë marr një vëmendje të madhe, ku shumë i kanë cilësuar si të “çuditshme” dhe “cenojnë lirinë e femrave”.
Komuna e Bagcilarit në Stamboll publikoi një udhëzues etike për vajzat e vogla, me qëllim shpjegimin e rregullave të sjelljes në publik.
Një pjesë e rëndësishme i është dedikuar ‘Si të jesh një zonjë në Stamboll?’. Ku femrat mësohen të jenë të sjellshme, si të vendosin siç duhet takëm dhe të mos flasin me gojën plotë. Këshilla këto tradicionale sa i takon rregullave të mirësjelljes. Por, e veçanta në këtë udhëzues lidhej pikërisht me lëpirjen e një akullore apo të një lëpirëse.
Në raport nuk specifikohej se përse të hash një lëpirëse apo akullore në kaush cilësohej si një sjellje jo prej zonje. Ndërkohë komentuesit e quajnë një “budallëk” këtë rregull dhe u shprehën të habitur se përse dikujt duhet t’i interesojë sesi një femër ha akulloren.
Por, për disa njerëz kjo këshillë është me vend, pasi të lëpish akulloren nuk është shumë elegante për një femër.
Edhe pse në “listën e gjërave të ndaluara” nuk është vetëm akullorja. Sipas krijuesve të udhëzuesit femrat nuk duhet të hanë as çamçakëz në publik. Nuk duhet të flasin shumë gjatë në telefon teksa janë në autobus. Apo të pyesin burrat që sapo i takojnë nëse janë të martuar apo sa fëmijë kanë./ Përshtati: Tirana Today, Burimi: RT
