Pas ndërrimit të presidencës dhe marrjes në dorë nga amerikanët e Elliot, Milani duket se do të bëjë edhe disa investime të rëndësishme. Me Leonardon si drejtor sportiv kuqezinjtë pik së pari kërkojnë që të forcojnë sulmin dhe në tavolinë janë dy emra.
U fol gjatë për një transferim të Gonzalo Higuain nga Juventusi tek Milani, por duket se kushtet ekonomike nuk janë ta favorshme dhe pritet që dirigjenca e Milanit të fokusohet tek një emër tjetër. Bëhet fjalë për sulmuesin e Kolumbisë dhe Monacos, Radamel Falcao.
Falcao duket si një alternativë më e mundshme për Milanin,. Pasi në garë për Higuain është futur edhe Chelsea. Këta të fundit janë të gatshëm që të paguajnë 60 milionë eurot e kërkuara nga Juventusi dhe i ofrojnë një rrogë të mirë sulmuesit. Gjithsesi Tuttosport raporton se kuqezinjtë nuk janë dorëzuar për asnjërën nga alternativat.
