Në mjediset e Muzeut Historik Kombëtar është çelur ekspozita “Mos harro”, me kurator historianin Ragip Zekolli. Një ekspozitë që ka kryefjalë dhunën, terrorin dhe gjenocidin serb në Kosovë, luftën çlirimtare të UÇK-së, përkrahjen e NATO-s dhe bashkësisë ndërkombëtare, si dhe për plagën e të pagjeturve në luftën e Kosovës.
Pjesa e parë e ekspozitës përfshin dhunën, terrorin e gjenocidin serb. Pjesa tjetër është për të pagjeturit.
22 vite pas ngjarjes ka lënë gjurmë të thella në memorien e çdo qytetari të Kosovës. Historiani Ragip Zekolli sjell përmes imazhit të fotografisë detaje të pazbuluara më parë.
Rakip Zegolli është shprehur se ekspozita përfshin ngjarjet më të rëndësishme e më të dhimbshme për Kosovën, që nga sulmet e 24 majit e deri me krijimin e institucioneve të pavarura.
Kuratori, historian Ragip Zekolli thotë se këto fotografi kërkojnë të ndërgjegjësojnë për të pagjeturit e luftës dhe moskallëzimin penal të Serbisë për krimet e luftës. Përveç 70 fotove në Tiranë, autori ekspozon edhe kujtimet e tij mbi atë ngjarje të jetuar. Ekspozita “Mos harro”, e cila do të udhëtojë në disa shtete, do të qëndrojë e hapur në Muzeun Historik Kombëtar deri në datën 6 nëntor.
