Edhe pse arritën që të mbyllnin me sukses marrëveshjen për Reformën Zgjedhore, kryedemokrati Lulzim Basha është shprehur se opozita nuk e ka falur Damian Gjiknurin për vjedhjen e votave.
Në deklaratën e tij nga selia blu, Basha tha se nuk do të ketë amnisti për Gjiknurin, pavarësisht se opozita e bashkuar ka pranuar të ulet në një tryezë me të për Reformën Zgjedhore.
Kryedemokrati e akuzoi Gjiknurin si ushtar i Ramës duke thënë se opozita e bashkuar ka për synim largimin e këtij të fundit dhe bandës së tij.
“Shqipëria do të ndryshoj përmes të njëjtave mekanizmave siç ndryshon edhe Evropa. Në kushtet e Bundestagut është edhe fillimi i ndjekjes penale për ata që lidhen me vjedhjen e votave. Ky kusht është përforcuar edhe me arrestimet e këtyre personave. Nuk ka për të pasur amnisti as për Gjiknurin, as për Imerajn, as për Advylajt, dhe për asnjë që është përfshirë në vjedhjen e votave.
Është detyrë e PD të cojë para drejtësisë të gjithë ata që kanë vjedhur votat. Por, ju them që këta janë të gjithë ushtarë të Edi Ramës. Ndaj, stigmatizimi i procesit të Reformës Zgjedhore nuk është gjë tjetër, veçse rënie viktimë e kësaj propagande. Synimi ynë është të largojmë e Edi Ramën dhe bandat e tij”, deklaroi kreu i PD.
