Ekspozita ”Motra përtej detit” nga Artisti i Popullit, Guri Madhi, është ekspozuar në Pisa të Italisë. Në të do të gjeni një copëz Shqipërie në 110-vjetorin e pavarësisë.
Ekspozita e hapur në kuadër të 110 vjetorit të pavarësisë, është një urë lidhëse ndërmjet dy vendeve që ndajnë një det dhe pasurohet nga ekspozimi gjithashtu i disa vepra të letërsisë shqipe të përkthyera tashmë në gjuhën italiane.
Artisti i Popullit, Guri Madhi, lindi në Korçë në vitin 1921 dhe u nda nga jeta në Budapest në vitin 1988.
Guri Madhi është i vetmi artist shqiptar që është përjashtuar nga partia komuniste dhe më vonë në vitin 1976 është nderuar gjithsesi me titullin Piktor i Popullit.
Në vitin 1961 është një nga tre pedagogët që themeluan Institutin e Lartë të Arteve figurative (sot Akademia e Arteve) në Shqipëri. Në 1983 del në pension dhe në atë kohë është një nga piktorët më të njohur të brezit të tij.
Guri Madhi ka qenë aktiv në vendlindjen e tij edhe si aktor. Ka patur rol kryesor në dramën “Nën gështenjat e Pragës“ të Konstantin Michailowitsch Simonov, tek “Kopraci“ i Molierit, etj.
