Me anë të një njoftimi zyrtar, blutë e Krujës kanë bërë publike detajet sa i takon arrestimit të Ruzhdi Rrajës, djalit të deputetit të PS, Rrahman Rraja. Burimet zyrtare bëjnë me dije se 24-vjeçari është arrestuar vetëm për veprën penale të “përndjekjes”, ndryshe nga ç’ka deklaruar Xhisiela Maloku në kallëzimin e saj në korrik të këtij viti.
“Specialistët e Komisariatit të Policisë Krujë, në bashkëpunim me Forcat Operacionale të Drejtorisë Vendore të Policisë Durrës, bënë kapjen me qëllim ekzekutimin e Urdhrit të Prokurorisë Krujë, mbi bazën e Vendimit të Gjykatës së Rrethit Gjyqësor Krujë, nr.189 dt. 29.09.2018, e cila ka vendosur masën e sigurisë “Arrest me burg”, për shtetasin R.Rr. 24-vjeç, banues në Krujë.
Ai akuzohet për veprën penale “Përndjekja”, parashikuar në nenin 121/a të Kodit Penal. Materialet i kaluan Prokurorisë së Rrethit Gjyqësor Krujë, për veprime të mëtejshme”, sqaron policia.
Më herët, ekspertiza mjeko-ligjore vërtetoi se ishte ushtruar dhunë ndaj vajzës, me një dëmtim që i ka humbur aftësinë e përkohshme për punë deri në 9 ditë.
Sakaq, deputeti i Partisë Demokratike, Agron Shehaj, me anë të një postimi në rrjetet sociale, ka hedhur akuza drejt kryeministrit, ku thotë se hetuesit kanë bërë një raport, duke e nxjerrë me probleme mendore, me haluçinacione, në mënyrë që dëshmia e saj të rrëzohet.
https://tiranatoday.com/deputeti-demokrat-nxjerr-te-dhena-tronditese-xhisielen-do-e-nxjerrin-me-probleme-mendore/
