Publiku tashmë e ka “përqafuar” fort gazetaren Eni Vasili, falë punës dhe përkushtimit që ajo ka për televizionin. Shumë kush ka një interes të shtuar se kur kanë qënë hapat e parë të saj.
Ajo ka shuar kureshtjen, teksa ishte e ftuar në “Mos i fol shoferit”. Gjatë bisedës, gazetarja rrëfeu për daljen e saj të parë në televizion për të dhënë lajmet, kur ishte vetëm 20-vjeç.
“Nuk isha përgatitur akoma të dilja në lajme. Ishte bërë konkursi, unë e kisha fituar për të qenë pjesë e stafit të moderatorëve të lajmeve, por nuk na kishin thënë në filan datë do të filloni të jepni lajmet.
Ndodh diçka me të ndjerin Roland Roshi. Nuk e di çfarë problemi kishte, dhe më marrin në telefon. Më thonë do dalësh në lajme. Unë isha komplet e papërgatitur. Më kapën dhe disa emocione.
Pretendoja ta dilja një javë para, të filloja të gjeja xhaketat e duhura, të bëja provat dhe 20 vjeç nuk vishesha me xhaketa. Prandaj mora një nga dollapi i mamit. I vura dhe nja 2 vata se ashtu ka qenë moda, që të dukesha e madhe. Doja të ngjaja pak nga Tefta Radi. Kështu dola, dola shumë mirë, ishte fati i fillestarit. Më pas kam hyrë shpesh në dollapin e mamit”.
