Në Prishtinë do të ndërtohet “parku i të martuarve”, i pari park i këtij lloji në Kosovë.
Komuna e Prishtinës ka njoftuar zyrtarisht se ka nisur puna për rregullimin e këtij parku, ndërsa punimet do të fokusohen në rregullimin e shtigjeve, stolave dhe hapësirave të tjera.
Qëllimi i këtij parku është celebrimi i çifteve që do të martohen në kryeqytet, ku secili prej tyre do të mbjellë nga një fidan. Kështu, çdo çift i ri përveç shënjimit të lidhjes së tyre, do të ndikojnë edhe në zgjerimin e hapësirave të gjelbërta në qytet.
Në njoftimin e saj, Komuna e Prishtinës shprehet se pret bashkëpunimin e sa më shumë qytetarëve në këtë projekt të veçantë, me shumë rëndësi për të përmirësuar mjedisin në kryeqytetin e Kosovës.
