Presidenti amerikan Donald Trump dhe ai i Rusisë, Vladimir Putin janë takuar sot për herë të parë në nisje të punimeve të Samitit G20, në Hamburg.
Sigurisht, momenti historik i shtrëngimit të duarve mes Trump dhe Putin është fokusuar nga mediat, duke bërë shumë shpejt xhiron e rrjetit.
Megjithatë, teksa dy liderët e dy superfuqive janë takuar, të bie në sy gjesti i Trump, i cili njihet për shtrëngimin e fortë të dorës dhe zgjatjes së saj, gjë që tregon dominancë.
Thuajse e njëjta gjë ka ndodhur edhe me Putin, teksa Trump ia ka shtrënguar fort dorën, ndërsa tjetrën ia kaluar deri te bërryli, si për të treguar dominancë.
Më vonë pritet që Trump dhe Putin të zhvillojnë një takim më të gjatë, në fokus të të cilit do të jetë riparimi i lidhjeve amerikano-ruse, të dëmtuara nga ndërhyrja e supozuar ruse në zgjedhjet amerikane.
