Gjykata e Apelit ka lënë në fuqi vendimin e dënimit nga Gjykata e Krimeve të Rënda me 8 vite burg për Saimir Çullhajn.
Ky i fundit u arrestua një vit më parë teksa tentoi të kalonte armë kallashnikov drejt Anglisë nëpërmjet aeroportit të Rinasit me anë të pakove postare.
32 vjeçari u identifikua pasi policia zbuloi gjurmë të gishtërinjve të tij në pakot postare në Rinas.
Megjithatë, i riu nga Shijaku mohoi përfshirjen e tij në këtë rrjet duke pretenduar se nuk e dinte çfarë kishte brenda në pako dhe se po niste një dërgesë tek miku i tij në Angli.
Ndërkaq, bashkëpunëtori I Çullhajt, Neritan Farian, 47 vjeç është shpallur prej një viti në kërkim dhe ende nuk është arrestuar.
