Presidenti Nishani ka thirrur sot anëtarët e Kolegjit Zgjedhor, të cilët i ka porositur që t’i trajtojnë me korrektësi konfliktet që do paraqiten gjatë zgjedhjeve të pjesshme në Kavajë.
Presidenti kërkoi që të ushtrojnë të gjithë funksionet gjatë procesit zgjedhor, teksa tha:
“Trajtoni me rëndësi konfliktet që do paraqiten në 7 maj dhe në zgjedhjet e përgjithshme. Është me rëndësi veprimtaria e Kolegjit Zgjedhor, që duhet t’i qëndrojë Kushtetutës dhe ligjeve”, theksoi ai.
Edhe kryeprokurori Adriatik Llalla deklaroi një ditë më parë se ditën e zgjedhjeve do të jenë në terren 30 prokurorë për të menaxhuar çdo incident të mundshëm gjatë procesit të votimit.
