Presidenti i Shqipërisë, Bujar Nishani, gjatë një interviste në televizionin “Ora News”, ka deklaruar se parimisht ka marrë përsipër të jetë kontakti për të nxitur dialogun mes mazhorancës dhe opozitës.
“Po, është e vërtet që unë kam marrë një iniciativë kontakti për të diskutuar me aktorët politikë në vend.
Kjo ofertë ka qenë për të marrë një miratim, parimisht, për të lehtësuar dialogimin midis palëve.
Por, presidenti nuk mund të angazhohet me çështje teknike lidhur me kodin zgjedhor.
Situata është shumë e agravuar, nuk është njësoj si më parë.
Sot, opozita shprehet se është e kërcënuar nga elementë me rekorde kriminale, të cilët pengojnë njerëzit për të marrë pjesë në votim. Nga ana tjetër, qeveria duhet t’i japë garanci elektorale opozitës” – tha Nishani .
