Ish-presidenti Bujar Nishani ka komentuar zgjedhjen e Ramës për të marrë postin e Ministrit të Jashtëm, pas refuzimit të dekretimit të Gent Cakajt nga Ilir Meta.
Në një postim në Facebook, Nishani shkruan se e vetmja mënyrë që Rama të bëhet ministër është duke dhënë dorëheqjen si kryeministër, pasi Kushtetuta nuk e lejon ndryshe.
Përmes një postimi në Facebook, Nishani citon Nenin 103, pika 2 e Kushtetutës ku thuhet se ministri nuk mund të ketë edhe poste të tjera.
Postimi i plotë:
Një Kryeministër provokator ndaj Kushtetutës dhe Presidentit të Republikës apo rruga e gjetur për tu larguar ?
Kushtetuta e Shqipërisë e ndalon që Ministri të ushtroj dhe funksione të tjera shtetërore.
Kryeministri nuk mund të jetë dhe Ministër.
Neni 103
Pika 2. “Ministri nuk mund të ushtrojë asnjë veprimtari tjetër shtetërore dhe as …………..”
Kjo çështje u sqarua publikisht dhe institucionalisht në rastin e dekretimit të Lleshajt.
Ai nuk u dekretua sa kohë ushtronte “de jure”, funksione në Forcat e Armatosura.
Pasi u lirua nga ato funksione u bë dekretimi i tij si ministër.
Edi Rama ka vetëm një mundësi të bëhet Ministër i Jashtëm.
Të dorëhiqet më parë si Kryeministër.
Presidenti mund të dekretoj Ministër vetëm një person i cili nuk ka “veprimtari” tjetër shtetërore.
Këtë e thotë të zezë mbi të bardhë, Kushtetuta e Shqipërisë.
Ndoshta kjo është rruga që ka gjetur vetë Edi Rama për tu larguar ?
