Maturantët do t’i nënshtrohen ditën e sotme provimit të parë të Maturës Shtetërore, atij të Gjuhës së Huaj.
Rreth 31 mijë maturantë do të testojnë njohuritë e tyre në testimin që nis në orën 10:00 dhe zgjat për 2 orë.
Deri në 18 qershor maturantët do i nënshtrohen 4 testeve: në lëndën e gjuhës së huaj, gjuhës shqipe dhe letërsisë, matematikës dhe lëndës me zgjedhje.
Ministria e Arsimit ka hartuar një rregullore të posaçme për maturantët e këtij viti, në bazë të kushteve të pandemisë së koronavirusit. Testi do të ketë 60 pyetje vetëm me alternativa dhe korrigjimi i tyre do të bëhet në mënyrë elektronike.
Ndërkohë më datë 11, maturantët do të japin provimin e Gjuhës Shqipe, ndërsa më datë 15 qershor provimin e Matematikës. Në fund të sezonit, më datë 18 maturantët japin provimin e lëndës me zgjedhje.
