Ka filluar shpërndarja e fletëve të votimit dhe materialeve të tjera zgjedhore në Qarkun e Lezhës dhe Durrësit.
Mësohet se në dy bashkitë e qarkut të Lezhës, ajo e Mirditës dhe e Kurbinit që drejtohen nga Partia Socialiste, shpërndarjet janë kryer në të gjitha qendrat e votimit. Por nuk duket të jetë e njëjta situatë në Bashkinë e Lezhës.
Kjo pasi bashkia, me anë të një shkrese zyrtare ka urdhëruar që asnjë institucion të mos vihet në dispozicion të procesit zgjedhor të 30 Qershorit.
Nga ana tjetër, materialet kanë mbërritur nga KQZ-ja në Durrës me procesverbalet përkatëse, ndërsa nesër në mëngjes, në orën 06:00, kutitë e votimit do të dërgohen në 319 qendrat e votimit që hapen në Bashkinë e Durrësit me 251,457 votues.
Ndërkohë, ka përfunduar shpërndarja e bazës materiale për 63 qendra votimi në Gramsh. Baza materiale është shpërndarë në 15 qendra në qytet dhe në 48 në zonat rurale.
Raportohet se të gjitha qendrat e votimit, sot në mbrëmje do të merren në mbrojtje nga ana e Policisë së Rendit, e cila ndodhet në gatishmëri prej ditës së sotme për të siguruar një proces.
