Pas zbulimit të bujshëm të të paktën 16 pronave të fshehura e të padeklaruara nga ish Nr. 2 i Prokurorisë së Përgjithshme, ka përfunduar procedura e verifikimit dhe vlerësimit të tyre në terren. Duke i hapur në këtë mënyrë rrugën nisjes sot të procedurave për sekuestrimin e këtyre pronave.
Vendimi i marrë ka ardhur pas sigurimit të provave dhe dëshmive të pakundërshtueshme, duke e bërë këtë rast, kazusin e parë për bllokimin e pronave të ish zyrtarëve të lartë të cilat i kanë vendosur ato në mënyrë të kundraligjshme e në sistemin e vjetër të drejtësisë.
Rovena Gashi është ish drejtoresha e Drejtorisë se Marrëdhënieve Juridiksionale me Jashtë dhe e Dekriminalizimit në Prokurorinë e Përgjithshme ne kohen e Adriatik Llallës.
Gashit i janë zbuluar si te padeklaruara ne procesin e vettingut plot 16 prona te patundshme, një pallat ne plazhin e Durrësit, 14 apartamente, dhe dy godina te mëdha biznesi, njeri për fasonet dhe një tjetër për shitje me shumice e pakice te materialeve hidrosanitare, ne Lagjen 14 ne Shkozet.
Vlera e këtyre pronave përllogaritet te jene mbi 2 milionë euro dhe pritet qe ato ti falen familjeve te pastreha te qytetit te Durrësit dhe zonës se Shkëmbi te Kavajas dhe fshatrave rrotull te Komunës se Rrashbullit.
Ne ditët ne vijim, pritet qe te ketë një konference shtypi ku do te tregohen me vide dhe foto te gjitha këto prona dhe operacioni për sekuestrimin e tyre, duke e bere ketë, një model për te gjitha pronat e tjera te zyrtareve te sistemit te drejtësisë.
Paralajmerimin per kete, e kishte dhene pak dite me pare ish ministri i Drejtesise Spartak Ngjela me ane te nje statusi ne facebookun e tij zyrtar:
“Këta të korruptuar që kanë vjedhë çdo gjë në Shqipëri në 20 vjet; çfarë janë – kriminelë?
Jo, janë qejflinj krimesh.
Këtej e tutje do të shfaqen pronat e korrupsionit.
Gjithsesi, të gjitha abuzive janë, por tani që po shfaqen mediatikisht pronat e Llallës dhe Gashit, duhet që gjithsecili të kujtohet për një gjë?
Si i kanë fituar këta këto prona?
Është shumë e rëndë kur e mendon. Që të gjitha janë para të paguara nga bota e krimit për t’iu mbyllur autorëve dosjet e krimit.
Aty, në ato prona, në pishina, hotele, vila dhe restorante gjendet gjaku i të vrarëve nga krimi i pandëshkuar; gjenden vjedhjet e shtëpive të emigrantëve dhe të shqiptarëve të ndershëm me autorë të liruar nga prokurori; gjenden para të paguara nga Basha për 200 milionë dollarët e grabitura nga Rruga e Kombit; gjenden paratë e paguara nga Meta për të mbyllur aferat e tij të korrupsionit; janë paratë e paguara për të legalizuar aktet e vjedhjes së tokave në bregdet nga të gjithë llojet e pushtetarëve dhe nga familjarët e tyre; gjenden paratë e paguara të pushtetarëve, për të legalizuar abuzimet e tyre.E pse të zgjatemi: thjesht aty, në ato prona, gjendet bashkëpunimi i pastër i prokurorëve me krimin e organizuar.”(alpenews.al)
