Nis seanca e Kolegjit Zgjedhor për shqyrtimin e ankimimit të Partisë Aleanca Popullore për pavlefshmëri të listave të kandidatëve.
Mbledhja e sotme e Kolegjit, vjen pas shtyrjes që iu bë seancës, vetëm një ditë pasi kryeministri Edi Rama dhe Lulzim Basha lidhën një marrëveshje, ndërsa data e zgjedhjeve u caktua më 25 qershor, ditë që u dekretua dhe nga presidenti Bujar Nishani.
Përfaqësuesja e KQZ e ka cilësuar padinë si të metë, pasi është pa objekt, ndërsa kreu i PAP, Dojaka ka hequr dorë nga padia aktuale për listat e kandidatëve për deputetë.
Gjithashtu, PAP ka deklaruar se mbetet jashtë zgjedhjeve, duke theksuar se nuk është parti opozitare.
Kolegji zgjedhor vendosi ta pranojë kërkesën e PAP për pushimin e gjykimit.
“Nuk ishte tërheqje por rishqyrtim i rrethanave të reja”, tha Dojaka.
