Ka nisur mocioni i mosbesimit për qeverinë Mustafa në Kosovë. Seanca e Kuvendit të Kosovës ka filluar në orën 10:00, ndërsa e vetmja pikë e rendit të ditës është mocioni i mosbesimit të qeverisë Mustafa.
Mësohet se edhe deputetët e Partisë Demokratike të Kosovës do të votojnë pro rrëzimit të qeverisë.
Nëse kjo ndodh, qeveria e kryesuar nga Isa Mustafa që doli nga një marrëveshje mes LDK-së dhe PDK-së, bie.
Gjatë fjalës së tij, Mustafa foli për arritje në fusha të ndryshme, ndërsa shtoi se qëllimi i këtij mocioni është destabilizimi i vendit.
Opozita duhet të sigurojë 61 vota për rrëzimin e qeverisë.
