Pas skandalit me tollonat për kompaninë e karburanteve “Gulf” që shpalli falimentin. Filluan dhe sekuestrimet dhe bllokimet në pikant e karburantit. Drejtoria e Përgjithshme e Tatimeve ka bllokuar 2 pika karburantesh në fshatin Libonik përgjatë aksit Korçë-Maliq dhe një pikë në qytetin e Korçës. Bllokimi nga Hetimi Tatimor pas skandalit te mashtrimit nga “Gulf”.
Deri tani në bazë të llogaritjeve paraprake, mashtrimi i kësaj kompanie llogaritet në vlerën e 5 milionë eurove. “Gulf” e nisi aktivitetin e vet në Shqipëri në shator të vitit 2013 me krijimin e shoqërisë “Sun Petroleum”. 6 muaj më vonë, në shkurt të vitit 2014, shoqëria u ble nga kompania “offshore” “Universal Energy Group”, duke krijuar kështu një skemë zinxhir kompanish guaskë, përmes së cilës nuk mund të arrihet tek pronarët e vërtetë.
Ndërkohë, më 9 mars, administratori gjeorgjian i kompanisë Irakli Svanidze dha dorëheqjen për arsye që thuhet se janë personale.
