Ka nisur para pak minutash Asambleja Kombëtare e Partisë Socialiste, për shpalljen e qeverisë “Rama 2” pas fitores së thellë në zgjedhjet e 25 qershorit.
Ndërkohë, ka shumë skeptikë lidhur me këtë asamble. I tillë është ish-deputeti socialist, tashmë kreu i partisë “Zgjidhja”, Koço Kokëdhima.
Ky i fundit ka reaguar me anë të një postimi në Facebook, ku shkruan se mandati i dytë i Rilindjes është një fatkeqësi për shqiptarët.
Kokëdhima paralajmëron falimentimin e shtetit dhe të buxhetit, teksa akuzon Ramën se po merr borxhe të reja dhe të fshehura që t’ua japë partnerëve të tij pa gara e në formën e koncesioneve.
Sipas Kokëdhimës, Rama është arrogant dhe i paaftë, ndërsa përmbyll se plani i vetëm i kryeministrit për shqiptarët është vazhdimësia e lëngatës së tranzicionit pa fund.
