Disa ditë pas bllokimit të pagës së muajit janar, Ministria e Arsimit zgjidhi ngërçin duke u kaluar pagat përkatëse pedagogëve në llogaritë e tyre bankare.
Por, duket se edhe pas këtij veprimi, pedagogët janë ende të pakënaqur. Një prej tyre, Romeo Hanxhari ka reaguar në një postim në Facebook, ku shkruan se ai e refuzon pagën që vjen nga tarifat e studentëve të tij, ndërsa shton se kjo është e patolerueshme dhe se është qeveria ajo që duhet të sigurojë pagat e pedagogëve të universiteteve publike.
“Une si pedagog i UT e refuzoj pagen nese ajo me vjen nga tarifat e studenteve te mi!
E patolerueshne!
Ne jemi Universitet Publik. Pagen duhet te na e paguaje Qeveria e ketij shteti. Por Qeveria jep vetem 9 paga, dhe jo 12 te tilla. Dhe thote “3 pagat e tjera merrini nga tarifat e studimeve te studenteve”. Eshte njesoj sikur t’u thuash mjekeve te sistemit publik “3 paga merrini nga tarifat e pacienteve”. Kjo eshte antikushtetuese. Une refuzoj pagen dhe protestoj!”, shkruan Hanxhari në Facebook.
