Ministrja e Arsimit dhe Sportit ka folur për protestën e studentëve, duke pranuar çdo përgjegjësi. Por, ajo ka numëruar edhe arritjet në arsim gjatë 5 viteve të fundit, ndërsa ka thënë se është krenare që i përket forcës politike të PS-së.
“Koha do të flasë”, përsërite Nikolla, teksa u dha të drejtë studentëve por u bëri ftesë për të përballuar bashkë një betejë më të vështirë për përmirësimin e arsimimit të lartë.
Fjala e Nikollës:
Thirrje legjitime i një brezi që përfaqëson brezat që u janë shkelur të drejtat. NË këto 5 vite, reformuam mësuesinë, standardizuam pranimin në universitet me busull të vetëm mëritëm, por koha do të flasë. Studentët kanë të drejtë. Ligji i ri ka krijuar kushtet për të, sot me studentët në protestë gjithkush ka të drejtë të tregojë gishtin, askush s’do donte të ishte në vendin tim.
Dola dhe dal nga ministria sepse kam punuar çdo ditë si të ishte dita e fundit nën peshën e përgjegjësisë. Do kish qenë shumë më e thjeshtë të administronim gjithçka gjetëm e të mbyllnim sytë para doktoraturave pa kërkim shkencor.
Do kish qenë më e lehtë edhe për ndrikull Nikollën, do kisha shpëtuar nga memet, nga etiketimet, nga akuzimet për çanta të shtrenjta, por jo. Jam krenare dhe e përgjegjshme për forcën politike që i përkas.
Po të dashur studentë, shkolla është e juaja ndaj i akredituam universitetet, ndaj vumë rregull. Unë dal ën bulevard me peshën e përgjegjësisë. Faleminderit kolegë për kurajon që më keni dhënë në sistemin arsimor.
Puna ka qenë aleati më i mirë, por koha do të flasë. Dua t’u them studentëve se ata kanë të drejtë por ftesa për të zhvilluar një betejë edhe më të vështirë është drejt tyre sot.
