Ministrja e Arsimit, Lindita Nikolla, ka patur një përballje mjaft të fortë gjatë paradites së sotme, teksa ishte thirrur në një dëgjesë në Komisionin e Medias dhe Edukimit, ku do të japë ‘llogari’ për projektligjin për arsimin parauniversitar.
Që në krye të herës, kryetarja e komisionit Albana Vokshi, i është drejtuar Nikollës nëse ndihej e turpëruar që kishte mashtruar mijëra fëmijë që nuk morën dëftesat në kohë. Por në kundërpërgjigje, Nikolla ia preu shkurt, duke i thënë se do ti shkojë deri në fund me anë të drejtësisë, lidhur me akuzat e parashtruara ndaj saj. E për këtë, sipas saj, ajo do ti drejtohet Prokurorisë.
DEBATI
Vokshi-Nikollës: A ndiheni e turpëruar që keni mashtruar për dëftesat e arsimit parauniversitar
Vokshi: Duhet t’i kërkoni ndjesë të gjithë fëmijëve dhe prindërit për mashtrimin e bërë. Keni shpërdoruar detyrën, duke mos u siguruar dëftesat në kohë
Nikolla: Nuk kërcënoj njeri. Nuk është në etiken time. Ju sa herë që flisni, keni mungesë etike. Do t’i shkoj deri ne fund në organet e drejtësisë, të gjitha akuzave ndaj meje.
Iu jam përgjigjur të gjithë nxënësve dhe prindërve. Gënjyet kur thatë qe dëftesat do shpërndahen në shtator. Ndarja e dëftesave është një proces që ka nisur. Te gjitha përgjegjësitë e mia do t’i zhvilloj në Prokurori. Për ata që duan të studiojnë jashtë shtetit, është zgjidhur problemi.
