Kryesuesja e listës së kandidatëve për deputetë e PS-së në Lezhë, Lindita Nikolla, shprehu sot keqardhjen për ngjarjen e mbrëmshme në fshatin Rraboshtë , ku u dhunua kryeplaku Gjovalin Gjini .
“Jam e keqardhur për ngjarjen e shëmtuar dhe i uroj të dhunuarit shërim të shpejtë. U bëj thirrje organeve të policisë të kryejnë hetim të plotë”, tha Nikolla teksa shprehu vendosmërinë e partisë që përfaqëson, për të zhvilluar një fushatë zgjedhore me standarde demokratike.
