Presidenti i SHBA-ve, Donald Trump ka reaguar sërish teksa procesi i numërimit të votave po shkon drejt fundit.
Përmes një postimi në rrjetin social, Twitter shefi i Shtëpisë së Bardhë shkruan se ka arritur një fitore të madhe ligjore në Pensilvani.
Big legal win in Pennsylvania!
— Donald J. Trump (@realDonaldTrump) November 5, 2020
Pensilvania ka 20 vota elektorale, dhe nëse konfirmohet se Trump ka fituar në këtë shtet, atëherë rezultati do të ngushtohet.
Kështu, Trump do të arrijë 234 vota elektorale, ndërsa kandidati demokrat, Joe Biden përsëri është në avantazh me 264 vota të tilla.
Më tej, Trump shkruan se të gjitha shtetet e fundit që pretendohen nga Biden, do i sfidojë ligjërisht për manipulim të votave.
All of the recent Biden claimed States will be legally challenged by us for Voter Fraud and State Election Fraud. Plenty of proof – just check out the Media. WE WILL WIN! America First!
— Donald J. Trump (@realDonaldTrump) November 5, 2020
Presidenti ka bërë disa reagime të ashpra në lidhje me procesin e numërimit të votave.
Fillimisht, ai kërkoi që numërimi të ndalet menjëherë, dhe më pas kërkoi që çdo votë e ardhur pas datës së zgjedhjeve, të mos numërohet.
Nga ana tjetër, kandidati demokrat, Joe Biden gjatë një konference mbrëmjen e djeshme, bëri thirrje që çdo votë të numërohet pasi rezultatin e përcakton populli amerikan.
