Komisioni i Posaçëm Parlamentar për Reformën Zgjedhore do të mblidhet këtë të enjte. Mësohet se janë ngritur tre grupe pune të përbërë nga anëtarët e këtij komisioni ad hoc, konstituimi i të cilave do jetë pikë e parë e rëndit të ditës në mbledhjen e së enjtes.
Grupi i punës përbëhet nga deputetët Damian Gjiknuri dhe Bashkim Fino nga PS dhe Myslim Murrizi dhe Nimet Musaj, nga opozita parlamentare.
Kurse për çështjet që kanë të bëjnë me financimin e partive politike në zgjedhje, grupi punës përbëhet nga Blerina Gjylameti dhe Klitilda Ferhati nga PS dhe Arben Elezi dhe Ralf GJoni nga opozita parlamentare.
Nga ana tjetër, grupi i tretë, i cili do diskutojë mbi një ndër prioritetet e mazhorancës, atë të garantimit të votës së emigrantëve, do përbëhet nga Alket Hyseni dhe Adnor Shameti nga PS dhe Korab Lita e Adriatik Alimadhi nga opozita parlamentare.
Në mbledhjen e komisionit, do të diskutohet në lidhje me sistemit zgjedhor.
