Avokati Spartak Ngjela tha se SHBA-të duan arrestimin e Berishës dhe Kryemadhit dhe 8 deputetëve të tjerë. Me anë të një postimi në rrjetin social “Facebook”, Ngjela shkruan se amerikanët po kërkojnë arrestimin e 10 deputetëve. Ngjela shkruan se kjo kërkesë e ka tronditur Ramën dhe se kryeministri ka menduar të shkojë urgjent në Uashington që të thotë jo.
Kjo deklaratë e fortë vjen një ditë pas përplasjeve të dhunshme ditën e djeshme në Parlament për votimin e Prokurores së Përgjithshme të Përkohshme.
Postimi i plotë:
Amerikanët kërkojnë arrestimin e dhjetë deputetëve.
Saliu dhe trimat e tij kanë futur kokën strukur nëpër bodrume.
Kërkohet dhe arrestimi i Monikës.
Rama është në tension, dhe mendon të shkojë urgjent në Uashington që të thotë jo. Mund të jetë nisur, por nuk duhet t’ia varin. Asnjë lëshim nuk u duhet bërë bandave që kanë grabitur shqiptarët, edhe duan t’i vënë zjarrin Shqiprisë që të ikin me gjitha paratë e vjedhura.
Por e ka kot Rama. Amerikanët duhet të veprojnë në mënyrë drastike se këta bakalaro duan të destabilizojnë Shqipërinë.
Saliu me hordhitë e tij i kanë hedhur dorezën Amerikës.
Asnjë nga ata banditë nuk duhet falur, se, mbi të gjitha, kanë shkelur ligjin dhe kanë fyer popullin Shqiptar.
