Dy persona kanë humbur jetën sot në Pogradec, pasi u mbytën në rezervuarin e fshatit Bradomirë.
Dy viktimat kishin dalë për të peshkuar, ndërsa tashmë policia po heton për zbardhjen e ngjarjes. Dyshohet se varka mund të jetë mbytur për shkak të mbingarkesës, megjithatë nuk përjashtohet as mundësia që varka të ketë pësuar çarje.
Polumbarët kanë mbërritur në Bradomirë, ku po studiojnë thellësinë e rezervuarit dhe kanë vendosur të fillojnë operacionin për nxjerrjen e trupit të viktimës Ramazan Kojtari.
Viktima tjetër u nxor nga rezervuari nga banorët e fshatit.
