Mbrojtësi i kombëtares shqiptare, Elseid Hysaj refuzoi disa oferta mjaft të mira në merkaton e verës, pasi dëshironte të qëndronte tek Napoli. Ishte Sarri që e dëshironte me çdo kusht shqiptarin tek Chelsea, duke i ofruar edhe një rrogë mjaft të lartë nga ajo që merr aktualisht te napolitanët.
Në Londër Hysaj do të fitonte 4 milionë euro në sezon, por drejtuesit e Napolit i kërkuan të qëndronte dhe rroga e tij do të rishikohej. Menaxheri i tij, Mario Xhuifredi, kërkon në marrëveshjen e re të paktën 3 milionë euro në sezon nga Napoli. Hysaj përfiton aktualisht 1.6 milionë euro në sezon. Nga ajo që raportohet, shqiptari do të presë deri në dhjetor, në të kundërt marrëveshja është e destinuar të dështojë.
