Na ndodh shpesh që pjesë të rrjeteve sociale të kemi njerëz të cilët nuk i kemi njohur diku. Mania për një ‘like’ më shumë, sjellë edhe shumë probleme. Një ndër moderatoret shqiptare, pasi ka ndarë me miqtë në rrjetet sociale një foto me të vëllanë, menjëherë janë nxituar duke i uruar për martesë.
Keqkuptimi ka ndodhur me gazetaren e njohur të “News 24”, Fjodora Fjora. Kjo e fundit ka publikuar pak orë më parë një foto krah një mashkulli simpatik, duke bërë që ndjekësit të mendojnë se ai është partneri i gazetares. Fotoja e cila fillimisht ka qenë pa një përshkrim, ka bërë që disa komentues të bëjnë gafën duke komplimentuar çiftin, e duke i uruar dashuri të përjetshme.
Por pasi situata ka marrë drejtim tjetër, ajo e ka sqaruar të gjithë situatën dhe konfuzionin e krijuar në një tjetër postim në Instastory, ku dhe shkruan: “Ndjesē për keqkuptimin. Për të gjithë ata që më urojnë dashuri tē përjetshme dhe martesë. Ky është vëllai im, dhe s’ka dashuri më të madhe se kjo..!”.
