Detaje të rënda janë hedhur në dritë lidhur me humbjen e jetës së 2-vjeçarit në fshatin Sul të Devollit. Në kohën kur nëna po bënte punët e shtëpisë, 2-vjeçari ka marrë një bidon gjysmë litër, të cilën e kishte ngatërruar me ujin, por për fat të keq ishte raki. Pasi e ka konsumuar, rakia i ka bllokuar rrugët e frymëmarrjes duke i sjellë vdekjen. Nëna e ka gjetur të voglin të shtrirë në dysheme, dhe menjëherë më pas e kanë çuar në spital por fatkeqësisht fëmija ka ndërruar jetë në banesë.
Njoftimi i policisë
Paraditen e sotme, në spitalin e Bilishtit, ka mbërritur i pajetë një i mitur 2-vjeçar, nga fshati Sul, Devoll. Nga të dhënat e para dhe deklarimet e stafit mjekësor, dyshohet se fëmija ka humbur jetën pasi ka konsumuar aksidentalisht një sasi pije alkoolike (raki), nga një shishe që familjarët e kishin lënë në banesë. Grupi hetimor po punon për zbardhjen e rrethanave të ngjarjes.
