Është pasuar me një tjetër ngjarje të rëndë ajo e ndodhur pak ditë më parë ku prindërit e një nxënëseje 11-vjeçare, denoncuan mësuesin për ngacmon seksual ndaj të miturës.
I ndodhur në këtë situatë djali dhe kunati i mësuesit në Delvinë, kanë kërcënuar me jetë familjarët e të miturës.
Duke folur për mediat, xhaxhai i vajzës shprehet se nëse drejtësia nuk vepron për rastin në fjalë familja do bëjë vetëgjyqësi. “Do ta paguani shumë shtrenjtë’ ‘Do u djegim’ ishin disa nga kërcënimet, që xhaxhai i vajzës tregon se ka marrë nga djali i Neshat Tepelenës dhe kunati i tij.
“Kam marrë kërcënime dhe provokime. Mbrëmë në darkë ishim me familjen në Sarandë në xhiro. Djali dhe kunati i tij (mësuesit) na kanë kërcënuar dhe provokuar, plus edhe disa raste të tjera, që ne nuk i themi sot pa mbaruar punë drejtësia. Ia lëmë drejtësisë të bëjë punën më pas kërcënimeve nga të gjitha. ‘Do ta paguani shumë shtrenjtë’ ‘Do ju djegim’. Pas drejtësisë do të flasim edhe vetë nëse drejtësia nuk e çon deri në fund.” – tregon xhaxhai i të miturës.
Mësuesi është arrestuar nga policia pas publikimit të skandalit, që në fakt ka ndodhur dy muaj më parë.
E ndërsa banorët janë shprehur se ka patur dhe më parë ankesa për mësuesin, ai ka ngacmuar dhe vajzën e një kolegu të tij, v etëm 2- javë se të bëhej publik denoncimi i vajzës 11 vjeçare.
Kryetari i fshatit sarandjot në të cilin jeton e mitura që bëri denoncimin u shpreh gjithashtu se për mësuesin 60-vjeçar ka pasur edhe më herët denoncime të kësaj natyre.
