Ngacmimet seksuale ndaj çdo gjinie janë prezente gjithandej, por kjo bëhet akoma më e rrezikshme kur veprime të tilla kryejnë njerëzit me pushtet fetar, apo nga ata që hiqen si të tillë.
Një person, që nën petkun e “njeriut të Zotit” ngacmon seksualisht gra dhe vajza brenda në shtëpinë e tij është kapur në flagrancë nga kamera e fshehtë e emisionit investigativ “Stop”.
Video do të publikohet sot në mbrëmje në Klan. Nga pritja në shtëpinë e tij në Tiranë, e deri te tentativat për puthje e prekje të vajzave që kërkojnë shërim nga sëmundje të ndryshme janë filmuar nga gazetaret e infiltruara të emisionit.
“Këshillat” e njeriut që hiqet si shërues i sëmundjeve të ndryshme dhe kërkesat e tij aspak normale janë objekt i kamerës së fshehtë të kësaj të marte.
