Florian Rama është dënuar me 20 vite burg nga Gjykata Provinciale e Pontevedrës për vrasjen e 25-vjeçarit Soufian Mahra, ngjarje e ndodhur në vitin 2019 në Salceda de Caselas.
Vendimi u dha më 8 maj dhe përfshin gjithashtu detyrimin për të paguar mbi 214 mijë euro dëmshpërblim për familjen e viktimës.
Sipas dosjes gjyqësore, ngjarja ndodhi në orët e para të 8 qershorit 2019, pas një konflikti të nisur brenda një klubi nate, ku viktima dyshohet se i kishte derdhur aksidentalisht një pije autorit.
Gjykata arriti në përfundimin se sulmi me thikë ishte i befasishëm dhe i paramenduar, duke mos i lënë viktimës mundësi mbrojtjeje. Soufian Mahra mori tre plagë me thikë, përfshirë një goditje fatale në gjoks që i preku zemrën.
Sipas vendimit, viktima kishte mbajtur një qëndrim pajtues dhe kishte tentuar të kërkonte falje përpara sulmit. Gjykata e cilësoi aktin si “absolutisht të pajustifikuar” dhe theksoi se reagimi i autorit ishte krejtësisht joproporcional me shkakun e konfliktit.
Mediat spanjolle raportojnë se pas sulmit Florian Rama u largua nga vendi i ngjarjes pa i dhënë ndihmë të plagosurit dhe më pas u arratis nga Spanja, derisa u arrestua në Mbretëria e Bashkuar.
Përveç dënimit me burg, gjykata vendosi:
20 vite burg për akuzën e vrasjes; mbi 214 mijë euro kompensim për familjen e viktimës; 70,175 euro dëmshpërblim për secilin prej prindërve; 24,836 euro për secilin prej motrave dhe vëllezërve të viktimës; ndalim rikthimi në Spanjë për 10 vite në rast lirimi me kusht ose përfitimi të regjimit të shkallës së tretë; vuajtjen e dënimit në territorin spanjoll.
