Reali i Madridit dështoi në “El Clasico” e parë të këtij sezoni, duke u mposhtur 0-3 nga Barcelona në “Bernabeu”. Edhe pse nga pika e penalltisë, Messi arriti të gjejë rrjetën në këtë ndeshje, ndërsa e kundërta ndodhi me Ronaldon.
Portugezi, i cili vetëm pak ditë më parë u shpall për herë të pestë fitues i “Topit të Artë”, nuk mundi të shënonte, madje bëri një figurë të keqe në pjesën e parë, kur ndeshja ishte ende e barabartë. Ronaldo mori një top në zonën kundërshtare dhe tifozët për pak nisën festën, por sulmuesi bëri një veprim që nuk i ka aspak hije, duke dalë huq.
Ndërsa një episod tjetër që do të mbahet mend gjatë është edhe ajo çfarë i bën Jordi Alba, mesfushorit kroat, Luka Modric. Alba e turpëron keq pasi merr një top nga Iniesta, bën një finte dhe topi kalon mes këmbëve të Modric. Shihet dhe reagimi i kroatit se sa keq e ka përjetuar këtë moment.
