Në kantierin më të madh të ndërtimit në qendër të kryeqytetit shqiptar, po ngrihet xhamia e re, e financuar nga qeveria turke. Ndikimi i Turqisë në Shqipëri ndihet qartazi. Ankaraja evokon të kaluarën e përbashkët, por po përballet me skepticizmin.
Ambasadori turk në Shqipëri, Hidajet Bajraktar, është një person i mirënjohur në Tiranë. Ai boton vazhdimisht shkrime publicistike, ndonëse Shqipëria mund të mbyllë menjëherë të gjitha institucionet, sikurse janë shkollat, të cilat janë pranë organizatës së predikuesit turk, Fetulah Gylen. Për shkak se tek ky i fundit, qeveria turke sheh zëdhënësin e grushtit të shtetit të korrikut 2016.
“Familjet shqiptare duhet t’i mbajnë larg fëmijët e tyre nga këto shkolla, nuk duhet t’i hedhin në zjarr, Shqipëria mund të jetë e sigurt për dashurinë e sinqertë të Turqisë, ju duhet ta shkatërroni këtë organizatë në vendin tuaj. Është e njëjta organizatë, me të njëjtin synim për të cilin të gjithë qemë dëshmitarë 15 korrikun e vitit 2016. Kush dëshiron të na garantojë se të njëjtat armë, nuk do të shkrepen në Shqipëri?”- është shprehur ambasadori në një intervistë për një televizion shqiptar.
Turqia dëshiron të shtrijë ndikimin e saj në Shqipëri
Presidenti turk Erdogan e ka kthyer vëmendjen e tij ndaj Tiranës. Në vend të shkollave të Gylenit, organizata arsimore turke “Maarif” do të financojë ngritjen e shkollave të reja në Shqipëri, për të zëvendësuar institucionet e Gylenit.
Studiuesi i shkencave politike Enri Hide nga Universiteti Evropian i Tiranës, përveç luftës kundër ish të besuarit të Erdogan, Gylen, sheh një përpjekje të qartë të Turqisë për të zgjeruar ndikimin e saj në Shqipëri dhe Ballkanin Perëndimor: “Një nga mjetet tjetër është fuqia e butë, dhe në këtë rast luhet me historinë, e cila ka të bëjë me kohën e kaluar së bashku në Perandorinë Osmane, duke thënë se ne jemi pra vëllezër, kemi të njëjtin gjak, kaq shumë ngjashmëri, dhe duke e ditur se fqinji ynë jugor, Greqia, nuk është aktualisht dhe aq mirë ekonomikisht. Turqia po e shfrytëzon këtë boshllëk”.
Kudo në Tiranë po lulëzojnë ndërtime të reja. Në kantierin më të madh të ndërtimit në qendër të kryeqytetit shqiptar, po ndërtohet xhamia e re, e financuar nga qeveria turke. “Kjo ka të bëjë me strategjinë e re të Turqisë, që do të ishte qenia e një aktore të dukshme në rajon. Për këtë arsye, Turqia po depërton ekonomikisht në Shqipëri, Kosovë, Maqedoni dhe Bosnjë me investime të shumta në sektorët kyç si energjetika, telekomunikacioni, shfrytëzimin e burimeve natyrore, si dhe tek sistemi financiar”.
Edhe myslimanët në Shqipëri po e ndiejnë presionin e Ankarasë
Presioni turk po ndihet ndërkohë edhe nga bashkësia myslimane e Shqipërisë. Zëvendëskryetari i Komunitetit Mysliman, Gazmend Aga, raporton se nuk ka pasur bashkëpunim me qeverinë turke për më shumë se 1 vit e gjysmë. Myslimanët e Shqipërisë, nuk dëshirojnë t’u binden rregullave që sugjeron nga Ankaraja, thotë ai.
“Rezistenca jonë është të vazhdojmë të ecim përpara vetë”- nënvizon ai. 35-vjeçari ka studiuar në Turqi, ku dhe ka njohur bashkëshorten e tij. Ai nuk e ka vizituar Turqinë për më shumë se 1 vit. Dhjetë shkolla, dy universitete, klinika dhe organizata joqeveritare, thuhet se mbështesin lëvizjen Gylen në Shqipëri, sipas ambasadorit turk në Tiranë.
Asnjë objekt i vetëm nuk është mbyllur deri më sot. Por sponsorët apo përfaqësuesit e shumë institucioneve mund të kenë ndryshuar. Shkencëtari politik, Enri Hide, thotë se kjo ka ndodhur në heshtje, dhe pa asnjë raportim në media. Gazmend Aga, nga komuniteti mysliman e mbështet veprimin e heshtur: “Ne nuk na pëlqen të bëjmë zhurmë në Shqipëri, gjë që e vlerësoj realisht shumë tek udhëheqësit tanë fetarë. Ata e luftuan komunizmin pa e zhytur vendin në kaos, një luftë civile që mund të shkaktonte rezistencë. Ambasadorët turq janë duke bërë gjithmonë të njëjtën gjë në lidhje me median. Çfarë mund të bëjmë ne, është të mos merremi me këtë zhurmë, dhe nuk duam të kemi punë me ta në këtë mënyrë, nuk do të lejojmë që të na blejnë për disa mijëra euro, madje as nga Turqia”- thotë ai, duke u shfaqur më pak militant, sesa i qetë.
Përshtati për Tirana Today, Alket Goce
